“കൂടെയുണ്ട് മാതൃഭൂമി”പദ്ധതിയുടെ ഭാഗമായി മാതൃഭൂമിയുടെ വിവിധ പ്രസിദ്ധീകരണങ്ങൾ ശ്രീകൃഷ്ണപുരം ലയൺസ് ക്ലബ്ബിൻറെ സഹകരണത്തോടെ പത്തോളം വായനശാലകൾക്കും,സ്കൂളുകൾക്കും, അംഗൻവാടികൾക്കും ആയി ഒരു വർഷത്തേക്ക് സൗജന്യമായി വിതരണം ചെയ്യുന്ന പരിപാടി ഈശ്വരമംഗലം-ശ്രീരാമജയം എൽ പി സ്കൂളിൽ ശ്രീകൃഷ്ണപുരം ലയൺസ് ക്ലബ്ബിൻറെ പ്രസിഡൻറ് ഭാസ്കർ പെരുമ്പിലാവിന്റെ അദ്ധ്യക്ഷതയിൽ ശ്രീകൃഷ്ണപുരം ഗ്രാമപഞ്ചായത്ത് മെമ്പർ എം.കെ.ദ്വാരകാനാഥൻ ഹെഡ്മാസ്റ്റർ പി.ജി.ദേവരാജൻ മാസ്റ്റർക്ക് നൽകികൊണ്ട് ഉദ്ഘാടനം ചെയ്തു.

ലയൺസ് ക്ലബ്ബ് റീജിയൺ ചെയർമാൻ എ.കെ. ഹരിദാസ് മുഖ്യാതിഥിയായിരുന്നു. മാതൃഭൂമി ലേഖകൻ ഗോപാലകഷ്ണൻ.സി മുഖ്യപ്രഭാഷണം നടത്തി.

കൂടാതെ ബാത്ത് സോപ്പ്, ഹാൻറ് വാഷ് & സാനിറ്റെസറും നൽകി.

ഹെഡ്മാസ്റ്റർ പി.ജി.ദേവരാജൻ മാസ്റ്റർ സ്വാഗതവും പി.ഗീത ടീച്ചർ നന്ദിയും പറഞ്ഞു.